S v Gouws

• Jurisdiction: South Africa
• Judge: De Wet R en Jacobs R
• Judgment Date: 13 June 1968
• Citation: 1968 (4) SA 354 (GW)
• Hearing Date: 25 April 1968
• Court: Griqualand-West Local Division

Jacobs, R.:

Die appellant, 'n 23 - jarige blanke oud-polisieman, het in die landdroshof op Kimberley tereggestaan op 'n aanklag van diefstal. Die bewerings was dat hy R2 kontant van 'n sekere mev. van der Merwe H gesteel het. Toe appellant op 22 November 1967 die eerste keer voor die hof verskyn het, was hy onverdedig en het hy skuldig gepleit. Die saak is daarna 'n paar keer uitgestel (appellant is op eie verantwoordelikheid vrygelaat) en op 29 Januarie 1968 toe die verhoor moes plaasvind het mnr. Roux, 'n plaaslike prokureur, namens appellant verskyn.

Jacobs R

By die aanvang van die verhoor het mnr. Roux aansoek gedoen vir verandering van die pleit na een van onskuldig. Hy het verduidelik dat appellant onder 'n misverstand skuldig gepleit het en het die A omstandighede verduidelik 'wat gelei het tot die gebruik van die R2 wat hy geneem het'. Die verduideliking het kortliks daarop neergekom dat appellant beweer het dat hy by klaagster geloseer het en losies vooruit betaal het tot 31 Oktober 1967. Toe hy op die 30ste Oktober tuis kom het hy gevind dat klaagster weg is en, behalwe vir twee hoendereiers, geen B kos gelaat het vir hom om te eet nie. In die sitkamer op 'n tafel het hy 'n bottel gevind waarin R2 was en hy was

'onder die bona fide indruk dat die klaagster die geld gelaat het vir hom vir kos vir die 30ste en 31ste'.

Hy het toe die geld geneem. Die landdros het mnr. Roux se verduideliking genotuleer en daarna 'n pleit van 'onskuldig' ingeskryf en die verhoor het voortgegaan.

C Volgens die Staat se getuienis het klaagster op 4 November 1967 met verlof vertrek. In haar hangkas het sy 'n bedrag van R2 in 'n bottel gelaat vir haar seun om iets mee te koop. Haar huis se sleutel het sy vir haar dogter wat oorkant die straat woon en bewus was van die geld in D die hangkas, gegee. Klaagster het erken dat appellant by haár geloseer het maar het getuig dat sy losies op 31 Oktober reeds verstreke was. Sy bagasie was egter nog in klaagster se huis en sou eers op 6 November verwyder word. Die reëlings was dat hy op laasgenoemde datum die huis se sleutel by klaagster se dogter sou kry om die goed in te pak en weg te neem. Op 5 November 1967 het appellant die sleutel by klaagster se E dogter gekry en hy het die nag in klaagster se huis geslaap. Die volgende dag, d.i. 6 November 1967, is appellant weg en daardie selfde middag het klaagster se dogter die R2 uit die hangkas vermis. Toe appellant die sleutel kom haal...