Van Wyk v Kleynhans

• Jurisdiction: South Africa
• Judge: De Vos Hugo R en Van Rhyn R
• Judgment Date: 29 August 1968
• Citation: 1969 (1) SA 221 (GW)
• Hearing Date: 15 August 1968
• Court: Griqualand-West Local Division

E De Vos Hugo, R.:

Die respondent het 'n pad oor sy plaas Piccadilly, in die distrik Barkly-Wes, wat die appellant (applikant in die hof a quo) van die plaas Eldoret as 'n uitweg na die Ruigtefontein - Blikfonteinpad gebruik het, gesluit. Die appellant het ná 'n ex parte F aansoek voor die Landdros van Barkly-Wes 'n bevel verkry waardeur die geregsbode gelas is om die pad oop te maak en die respondent te beveel om alle versperrings daarop te verwyder en om die appellant in die ongestoorde gebruik van sy reg van weg te plaas, en waardeur die G respondent versoek is om op 26 Januarie 1968 in die landdroshof van Barkly-Wes redes aan te toon waarom hierdie bevel nie 'n finale bevel

De Vos Hugo R

met koste teen die respondent gemaak sal word nie. Die respondent het redes aangetoon met die gevolg dat die aansoek met koste van die hand gewys is. Die appellant kom nou na hierdie Hof toe in hoër beroep teen die uitspraak van die landdros.

A Mnr. Zietsman, namens die appellant, betoog dat wat die appellant aangevra het 'n spoliasie-bevel is en dat die vereistes vir so 'n bevel wel aanwesig is. Die vraag is of hierdie betoog kan slaag.

Die betrokke pad het 'n voorgeskiedenis wat ten dele betwis is, en vir sover dit die geval is kan daar nie op ingegaan word nie. Die vraag moet uit die onbetwiste feite alleen uitgemaak word - vide Nienaber v. B Stuckey, 1946 AD 1049 op bl. 1054. Die onbetwiste feite is die volgende:

(1) Op 28 April 1960 het die respondent die volgende dokument (bew. A) onderteken en aan die appellant gegee, naamlik

'Toekenning van uitweg

Ek die ondergetekende W. J. Kleynhans van die plaas Piccadilly distrik C Barkly-Wes, gee hiermee aan H. J. van Wyk van Eldoret (gedeelte Olienkop) 'n onvoorwaardelike uitweg, vanaf Eldoret oor Piccadilly tot by die Ruigtefontein-Blikfonteinpad.

Die publiek mag genoemde uitweg met voertuie gebruik, maar nie met diere daarlangs trek nie daar die uitweg alleen vir H. J. van Wyk onvoorwaardelik gegee is.

Ek versoek dat die afskrif van hierdie ooreenkoms deur die Afdelingsraad D van Barkly-Wes gehou sal word.

Barkly-Wes.

28/4/60 (Get.) W. J. Kleynhans.

Getuie.

(1)

..... ? .....

(2)

..... ? .....'

E (2) Op 25 Oktober 1967 het die appellant die ongestoorde gebruik van die pad gehad maar op daardie dag het die respondent deur sy prokureur die onderstaande kennisgewing aan die appellant gestuur, naamlik

'On behalf of Mr. W. J. Kleynhans, of the Farm 'Piccadilly', I have been asked to give you notice that from...