Samevatting van bevindinge. Hoofstuk 8

• Pages: 231-239
• DOI: 10.10520/EJC73622
• Author: J.G. Van der Merwe
• Date: 01 January 2000
• Published date: 01 January 2000

HOOFSTUK 8

SAMEVATTING VAN BEVINDINGE

8.1 Inleiding

Die doel met hierdie studie is om die eienskappe van ’n effektiewe

ouditkomitee vas te stel en om die invloed van die ouditkomitee op

die ouditproses van die eksterne ouditeur te evalueer. Daar is

deur middel van ’n literatuurstudie, wat die bestudering van hand-

boeke, tydskrifartikels, ongepubliseerde proefskrifte, wetgewing,

algemeen aanvaarde ouditstandaarde van professionele liggame

en ander publikasies behels, gepoog om die problematiek rondom

bogenoemde studiedoelwitte aan te dui en te bespreek.

8.2 Gevolgtrekking aangaande die ouditkomitee se invloed

op die ouditproses

Die belangrikste bevindinge van hierdie studie is die volgende:

(a) Die ouditkomitee kán ’n sinvolle, konstruktiewe en ekonomies

regverdigbare invloed uitoefen op die ouditproses van die

eksterne ouditeur. Hierdie stelling word gegrond op die invloed

wat die ouditkomitee op elke stadium van die ouditproses kan

uitoefen, soos dit in die studie geïdentifiseer is (en waarvan ’n

opsomming in afdeling 8.4 weergegee word), asook op die

voordele wat hierdie invloed van die ouditkomitee inhou (soos

in afdeling 8.5 hierna weergegee).

(b) Die doeltreffendheid waarmee die ouditkomitee sy funksie

tydens die ouditproses vervul, sal afhang van die mate waarin

sekere eienskappe vir die effektiewe funksionering van die

ouditkomitee aanwesig is. Die bevindinge met betrekking tot

hierdie eienskappe van ’n effektiewe ouditkomitee word in

afdeling 8.3 bespreek.

(c) As gevolg van die verskeidenheid pligte en uitgebreide ver-

antwoordelikhede wat aan die ouditkomitee toegewys kan

word, ontstaan die gevaar dat hierdie lading te swaar word; dit

kan veroorsaak dat die doeltreffendheid van die ouditkomitee

drasties verminder of dat persone huiwerig of onwillig mag

wees om weens die hoë risiko in die komitee te dien.

In hierdie studie is daar hoofsaaklik op die ouditkomitee se

oorsigfunksie met betrekking tot die eksterne ouditproses

gefokus, en is daar aangetoon dat verskeie pligte in dié ver-

band aan die ouditkomitee toegewys kan word. Indien daar in

gedagte gehou word dat hierdie komitee ook by ander sake

231