'n Miskende vennootskapsregtelike kenbron uit die ius commune

• Date: 01 February 2006
• Published date: 01 February 2006
• DOI: 10.10520/EJC74066
• Pages: 1-15
• Author: J.J. Henning

PART 1

PERSPECTIVES

JJ Henning*

A. ’n Miskende vennootskapsregtelike kenbron uit die

ius commune**

1. Inleiding

In Van Staden v Venter1verwys waarnemende Appèlregter Harms,

soos hy toe was, pertinent na “Hector Felicius Tractatus de Societate”2

as gemeenregtelike gesag vir die standpunt dat die actio pro socio

est perpetua en dat verjaring nie begin loop alvorens ’n vennoot-

skap onbind nie. Ter stawing van die gevolgtrekking dat hierdie bron

die ius commune weergee word daarop gewys dat die derde uitgawe

van die werk in 1666 in Gorkum, Suid-Nederland gepubliseer is en

dat “die skrywer na Romeins-Hollandse skrywers soos Groenewegen

verwys en dat Voet op hom staatmaak”.

’n Rekenaarmatige soektog deur die Suid-Afrikaanse hofverslae soos

vervat in die “Jutastat Laserskyf Biblioteek”3 toon dat hierdie verwy-

sing as geskiedkundig aan te stip is. Dit is naamlik die heel eerste

verwysing na hierdie werk in so ’n gerapporteerde uitspraak van enige

afdeling van die hooggeregshof, dit wil sê sedert 1947.

Die uitgawe van die werk waarop waarnemende Appèlregter Harms

steun, bevat byvoegings deur Boxelius onder meer oor die tydgenoot-

like posisie in Nederland. Daarom word soms na hierdie spesifieke

uitgawe verwys as “Felicius-Boxelius Tractatus de Societate” (hierna

“Felicius-Boxelius”).4

1

* Toe hoof van die Department Handelsreg en die Sentrum vir Onder-

nemingsreg, Universiteit van die Oranje-Vrystaat. Tans dekaan van die

Fakulteit Regsgeleerdheid, Universiteit van die Vrystaat.

** Die gedeelte is grotendeels gebaseer op JJ Henning “Felicius-Boxelius

T

ractatus de Societate.’n Miskende vennootskapsregtelike kenbron uit

die ius commune”1992 (55) T

ydskrif vir Hedendaagse Romeins-Hollandse

reg 447-456.

1 1992 1 SA 552 (A) 560H-561C.

232.74 en 32.75.

3Jutastat CD-ROM Library.

4 Vgl Zanchius Tractatus de Societate (1786) vi;Dekkers Bibliotheca Bel-

gica Juridica (1951) 24 sv “Boxel”;Roberts A South African Legal Biblio-

graphy(1942) 120;Lichtenauer Geschiedenis van de wetenschap van het

handelsrecht in Nederland tot 1809 (1956) 124.