Mafesa v Parity Versekeringsmaatskappy Bpk (In Likwidasie)

• Jurisdiction: South Africa
• Judge: Smit RP
• Judgment Date: 29 February 1968
• Court: Orange Free State Provincial Division

B Smit, R.P.:

Eiser is 'n meerderjarige Bantoe wat beserings opgedoen het toe hy op 27 November 1964 in Long Road, Thabong lokasie, Welkom, in 'n botsing met 'n ligte motor trokkie betrokke was. Hierdie trokkie was deur ene Michael Liphapang bestuur en deur verweerder verseker, ooreenkomstig die bepalings van die Motorvoertuig Assuransiewet, 29 van C 1942. Eiser het skade gely as gevolg van die beserings wat hy opgedoen het. Betaling daarvan is die eis teen verweerder op grond daarvan dat Michael Liphapang, na wie ek sal verwys as Michael, sy trokkie nalatiglik bestuur het en die alleen-oorsaak van die botsing was.

[Die geleerde Regter het die getuienis ontleed en soos volg voortgegaan.]

D Verweerder het nie bewys dat eiser in die omstandighede ook nalatig was nie. Volgens eiser het alles so vinnig gebeur, dat toe hy besef die motor stuur op hom af, hy probeer het om links te swaai maar dit was te laat. Paulina staaf dit. Dit strook met die beserings wat eiser opgedoen E het, want dit was sy regterbeen wat gebreek was. Ek bevind dus dat Michael alleen verantwoordelik was vir al die skade wat eiser gely het as gevolg van die beserings wat hy opgedoen het ten tyde van die botsing.

Hierdie beserings het bestaan uit 'n fraktuur van die regter femur en die regter tibia. Dr. Simpson, 'n ortopediese chirurg, wat eiser behandel het, beskryf eiser se behandeling onder narkose soos volg:

F 'Steinman pin was introduced through the tibial tuberosity and the tibial fracture was reduced, plaster applied below the knee but incorporating the Steinman pin.

A Thomas splint was applied and the fracture of the femur was reduced.'

Eiser was in hierdie posisie in die hospitaal tot die Steinman pen op 3 G Februarie 1965 verwyder was. Op 8 Februarie 1965 was die geneesheer van mening dat eiser se been klinies voldoende aangegroei het en dat hy uit die hospitaal ontslaan kon word. Die geneesheer het verduidelik dat dit nie beteken dat die fraktuur toe al so vas aangegroei het dat die been heeltemal gekonsolideer was nie. Kliniese aangroeiing beteken net dat H daar voldoende aangroeiing van die fraktuur was om die been te steun. Dit sou meer dan 'n jaar neem vir die been om heeltemal te konsolideer en, om daarvoor te wag voordat 'n pasiënt uit die hospitaal ontslaan word, sou meebring 'n verswakking van die spiere, styfheid van die gewrigte van die pasiënt en 'n ongunstige sielkundige effek op die pasïnt. Daarom word hulle...