Ex parte Swiegers

• Jurisdiction: South Africa
• Citation: 1966 (4) SA 7 (GW)

Ex parte Swiegers
1966 (4) SA 7 (GW)

1966 (4) SA p7

Citation	1966 (4) SA 7 (GW)
Court	Griekwaland-Wes Plaaslike Afdeling
Judge	de Vos Hugo R
Heard	June 16, 1966
Judgment	June 30, 1966

Flynote : Sleutelwoorde

Grond — Vruggebruik — Prospekteergeld aan die vruggebruiker betaal — Deel van die A vruggebruik — Praktyk — Aansoeke en mosies — Prokurasie — Wanneer dit ingedien moet word. B

Headnote : Kopnota

'n Vruggebruiker is geregtig om prospekteergeld, ingevolge 'n prospekteerkontrak aan haar betaal, as deel van sy vruggebruik te beskou.

Wanneer die Meester, die Registrateur van Aktes of andere amptenare 'n belang het by die regshulp wat in 'n aansoek aangevra word, dan moet 'n prokurasie deur die petisionaris se prokureur ingedien word.

Flynote : Sleutelwoorde

Land — Usufruct — Prospecting money paid to usufructuary — Part of the usufruct — Practice — Applications and motions — Power of attorney — When it has to be filed.

Headnote : Kopnota

A usufructuary is entitled to regard prospecting money paid to her in terms of a prospecting contract as part of her usufruct.

When the Master, the Registrar of Deeds or other officials have an interest in the relief asked for in an application, then a power of attorney has to be filed by the applicant's attorney. C

Case Information

Aansoek vir die bekragtiging van 'n prospekteerkontrak en sekere andere bevele. Die feite blyk uit die uitspraak.

W. Witepski, S.C., namens die applikante.

Cur. adv. vult.

Postea (Junie 30). D

Judgment

de Vos Hugo, R.:

Dit is 'n aansoek vir bekragtiging van 'n prospekteerkontrak en vir bevele wat daaruit voortvloei of daarmee in verband staan. Die petisionaris, Brechie Elizabeth Swiegers, is die E nagelate eggenote van wyle Arie Willem Swiegers wat op 6 Mei 1959 oorlede is. Sy is ook die eksekutrise testamentêr in die boedel van haar oorlede eggenoot. Volgens die testament van die oorledene word die plaas Klipfontein in die distrik Hopetown, wat iets meer as 2,466 morg groot F is, bemaak aan die twee onmondige seuns van die oorledene en die petisionaris. Hierdie twee seuns is tans 18 en 14 jaar oud respektiewelik. Aan die petisionaris is die vruggebruik van die plaas bemaak. Ten tyde van die afsterwe van die testateur was daar twee verbandlaste op die grond vir iets meer as R4,300. Met die toestemming van die Assistentmeester is die petisionaris toegelaat om aan te gaan met die boerdery sonder om die eiendom onmiddellik aan die kinders te G transporteer, omdat sy nie instaat was om die verbandlaste af te los sonder om die boerdery tot niet te maak en haarself en die kinders van 'n inkomste te beroof nie. Die huidige waarde van die plaas is ongeveer R25,800.

Hoewel die testateur eienaar was van die grond is die mineraleregte wat H betref goud, silwer en edelgesteentes met die oorspronklike toekenning van die grond deur die Staat voorbehou en hierdie voorbehoud

1966 (4) SA p8

de Vos Hugo R

is nog steeds geldig. Ingevolge arts. 13 en 17 van Wet 73 van 1964...