Edmund Woodhouse (Pty) Ltd v Brits

• Jurisdiction: South Africa
• Citation: 1967 (4) SA 318 (T)

Edmund Woodhouse (Pty) Ltd v Brits
1967 (4) SA 318 (T)

1967 (4) SA p318

Citation	1967 (4) SA 318 (T)
Court	Transvaalse Provinsiale Afdeling
Judge	Hiemstra R
Heard	September 15, 1967
Judgment	September 15, 1967

Flynote : Sleutelwoorde D

Praktyk — Aansoeke en mosies — Aansoekverrigtinge — Prokurasie nie verpligtend nie — Prokureur — Prokurasie — Nie verpligtend in aansoekverrigtinge nie. E

Headnote : Kopnota

Die Eenvormige Hofreëls bevat geen voorskrif dat 'n prokurasie in aansoekverrigtinge verpligtend is nie.

Flynote : Sleutelwoorde

Practice — Applications and motions — Application proceedings — Power of attorney not compulsory — Attorney — Power of attorney — Not compulsory in application proceedings.

Headnote : Kopnota

The Uniform Rules of Court contain no provision that a power of attorney is compulsory in application proceedings.

Case Information

Hersiening van taksasie ingevolge Hofreël 48.

Judgment

Hiemstra, R.:

Dit is 'n hersiening van taksasie ingevolge Hofreël 48. F Die bedrag waarom dit gaan, is minder as R10, maar omdat 'n vraag ontstaan het waaroor uitsluitsel in hierdie Afdeling verlang word, het die takseermeester toegestem tot hersiening ooreenkomstig die voorbehoudsbepaling by Reël 48 (1).

G Die vraag is of daar by aansoeke, in teenstelling met aksies of appèlle, ook 'n prokurasie ingedien moet word waarin die prokureur deur die kliënt gemagtig word om die verrigtinge voort te sit. Voor die invoering van die eenvormige Hofreëls op 15 Januarie 1965, was dit in geen van die provinsies 'n vereiste dat daar 'n prokurasie moes wees in aansoeke nie. Omdat daar in die Oranje - Vrystaatse Provinsiale Afdeling en in die Plaaslike Afdeling Griekwaland - Wes beslissings gegee is dat H prokurasies nou wel nodig is, het die prokureur in hierdie geding, wat 'n sekwestrasie-aansoek is, 'n prokurasie verkry, maar die takseermeester het die betrokke items nie toegelaat nie. Hulle was:

1967 (4) SA p319

Hiemstra R

Opstel van prokurasie om instelling van geding te magtig (2 folios)	1.00
Maak van afskrif om te hou	20
Opwagting by ondertekening daarvan	50
Seël daarop	10

Die takseermeester het die items geweier op grond van voortsetting van A die gebruik wat nog altyd in hierdie Afdeling bestaan het, en vanweë 'n informele reëling van die REGTER - PRESIDENT. Volgens navraag wat op my versoek deur die takseermeester gedoen is, word in die ander...