Die ouditkomitee se invloed op nakomings- en stawingsprosedures - die derde stadium van die ouditproses. Hoofstuk 6

• Date: 01 January 2000
• Published date: 01 January 2000
• Pages: 154-182
• DOI: 10.10520/EJC73624
• Author: J.G. Van der Merwe

HOOFSTUK 6

DIE OUDITKOMITEE SE INVLOED OP NAKOMINGS- EN

STAWINGSPROSEDURES – DIE DERDE STADIUM VAN

DIE OUDITPROSES

6.1 Inleiding

Nadat die ouditeur sy beplanning van die oudit afgehandel het en

op die ouditbenadering wat gevolg gaan word, besluit is, moet die

ouditeur begin om nakomings- en stawingsprosedures uit te voer

ten einde die nodige bewyse te verkry. In hierdie hoofstuk word

die rol en invloed van die ouditkomitee tydens hierdie stadium van

die ouditproses bestudeer.

Die stappe wat die eksterne ouditeur tydens hierdie stadium uit-

voer, word soos volg in standpunt OU 015 (SAIGR 1987a:Bylae)

uiteengesit:

(a) Voer nakomingsprosedures uit.

(b) Evalueer resultate van nakomingsprosedures en pas be-

plande stawingsprosedures aan, indien nodig.

(c) Voer stawingsprosedures uit.

(d) Evalueer resultate van stawingsprosedures.

(e) Voer verdere stawingsprosedures uit, indien nodig.

Die raamwerk vir die bespreking van die ouditkomitee se invloed

op die derde stadium van die ouditproses sal egter nie volgens die

SAIGR se stappe geskied nie; die bespreking sal eerder aan die

hand van die probleme wat tydens hierdie stadium ondervind kan

word, geskied. Hierdie benadering word om die volgende redes

gevolg:

(a) Die ouditkomitee en die eksterne ouditeur kommunikeer

gewoonlik nie tydens dié stadium van die veldwerk nie, tensy

wesenlike probleme deur die eksterne ouditeur ondervind

word (APB 1995a:127; Apostolou et al 1990:41).

(b) Die resultaat van hierdie stadium van die ouditproses word

met behulp van verslae en besprekings tydens die vierde sta-

dium van die ouditproses bekend gemaak. Hierdie verslae en

besprekings word in hoofstuk sewe bespreek sodat die

bespreking in hierdie hoofstuk beperk sal word tot bepaalde

probleme wat tydens die uitvoering van die omvattende

ouditwerk ondervind word.

154

Verskeie skrywers het reeds probleme wat direk of indirek ver-

band hou met die uitvoering van nakomings- en stawingsprose-

dures deur die eksterne ouditeur ondersoek. Hierdie probleme

kan in verskillende kategorieë verdeel word, byvoorbeeld proble-

me wat deur die eksterne ouditeur self ondervind word, en pro-

bleme wat die bestuur ondervind met die wyse waarop die

eksterne ouditeur sy werk uitvoer. Die volgende wesenlike pro-

bleme, met die paragraaf waarin dit bespreek word in hakies, dien

as uitgangspunt en word as subhoofde in hierdie hoofstuk

gebruik:

(a) Die koördinasie van die werk van die interne en eksterne oudi-

teure (6.2).

(b) Die gebruikmaking van die personeel van die onderneming

(6.3).

(c) Onrealistiese tydskedules vir die afhandeling van die oudit

(6.4).

(d) Die toewysing van die ouditeursfirma se personeel (6.5).

Hierdie lys is opgestel nadat ’n omvattende literatuurstudie

gedoen is, maar moet nie as volledig beskou word nie.

6.2 Die koördinering van die werk van die interne en eksterne

ouditeure

6.2.1 Inleiding

Dit is duidelik dat die interne ouditfunksie ’n belangrike rol kan

vervul as element van korporatiewe beheer (vergelyk byvoorbeeld

King-verslag 1994:21). Hierdie verhoogde belangrikheid nood-

saak ’n hersiening van die standpunte aangaande die same-

werking tussen die interne en eksterne ouditeure ten einde die

beste balans tussen koste en voordeel vir die onderneming en hul

aandeelhouers te verkry (APB 1995a:127).

Die Treadway-kommissie maak ’n aantal belangrike aanbevelings

met betrekking tot die daarstelling en uitbouing van die interne

ouditafdeling van ’n onderneming (1987:37-39), maar dit is aan-

beveling agt wat ter sake is vir hierdie gedeelte van die studie

(1987:39):

Management and the audit committee should ensure that

the internal auditors’ involvement in the audit of the entire

financial reporting process is appropriate and properly co-

ordinated with the independent public accountant.

Dié aanbeveling moet teen die agtergrond gesien word van die feit

dat die interne ouditeur se werk nie plaasvervangend vir die

155