Die geskiedenis van besigheidsredding

• Published date: 01 January 2012
• Author: L.M. Jacobs
• Date: 01 January 2012
• Pages: 6-17
• DOI: 10.10520/EJC133221

6

2 DIE GESKIEDENIS VAN BESIGHEIDSREDDING

2.1 Doelstelling en werkswyse

2.1.1 Doelstellings

Alhoewel Suid-Afrikaanse pogings tot dusver tot ’n geslaagde

besigheidsreddingsmodel grootliks onsuksesvol was, moet dit

steeds gemeld word dat Suid-Afrika eintlik baanbrekerswerk op

die gebied verrig het.

Die hoofstuk het ten doel om die ontstaan en ontwikkeling van

besigheidsredding te ontleed.

2.1.2 Werkswyse

In hierdie hoofstuk word daar ondersoek ingestel na die historiese

ontwikkeling van die besigheidsreddingsmodel, tot en met die

nuwe ondernemingsreddingskema soos vervat in die nuwe

Maatskappywet.1 Laastens sal die vraag na waarin besigheids-

redding tuis hoort, ontleed word.

2.2 Inleiding

Baie lande het in die laaste paar dekades begin om besigheids-

reddingsmodelle in hul wetgewing te voeg, maar van die lande

wat hul reddingsmodelle vroeër geskep het, is Suid-Afrika een

van die eerstes.2 Geregtelike bestuur was ’n nuwe konsep in die

vroeë 1920’s en ander jurisdiksies het na Suid-Afrika gekyk vir

leiding in die ontwikkeling van hul eie wetgewing.3 Die volgende

lande het ook besigheidsreddingsmodelle in hul wetgewing

gevoeg: die Verenigde State van Amerika in 1978, Italië in 1979,

Frankryk in 1985, die Verenigde Koninkryk in 1986,4 Singapoer in

1987, Nederland in 1988, Australië in 1992 en Duitsland in 1999.5

2.3 Regshistoriese oorsig

Vir talle eeue is daar reg oor die wêreld in verskeie regstelsels van

buitengewone billikheidsremedies gebruik gemaak om persone

1 Maatskappywet 71 van 2008.

2 Rajak en Henning 1999:262. Smith 2001:145. “This local innovation

entered our law via the Companies Act of 1926, thus preceding the

business rescue provisions in countries such as Britain, Australia,

Canada and the United States.”

3 Bradstreet 2011:353-354. “...in fact, judicial management formed the

basis of Australia’s former rescue regime, official management.” Sien

ook Anderson 2008:4.

4 Vir ’n volledige bespreking aangaande die ontwikkeling van korporatiewe

redding in die Verenigde Koninkryk sien Armour ea 2008:148-171.

5 Kloppers 1999:417.