Algemene oriëntering

• Pages: 1-5
• Published date: 01 January 2012
• Author: L.M. Jacobs
• DOI: 10.10520/EJC133222
• Date: 01 January 2012

1

1 ALGEMENE ORIËNTERING

“A developing economy cannot lightly permit companies

which help to comprise its industries and commercial

enterprises to be dissipated by winding-up and dissolution

due to some temporary setback in cases where there

is a reasonable probability that they would, if granted

a moratorium, be able to overcome their difficulties,

discharge their debts and become successful concerns.”1

– Professor JJ Henning, 1992

1.1 Inleiding

Die huidige ekonomiese klimaat bring mee dat al hoe meer

maatskappye onder finansiële druk verkeer. Ingevolge ’n verslag

deur Statistiek Suid-Afrika is daar vanaf 1 Januarie 2005 tot

en met 31 Desember 2010 10 484 maatskappye in Suid-Afrika

gelikwideer, wat beteken dat daar gemiddeld 1 700 maatskappye

per jaar oor die tydperk gelikwideer is.2 Dit is dus duidelik dat die

wetgewer moes optree in ’n poging om die likwidasiegetalle te

laat afneem. Wanneer ’n besigheid onsuksesvol is, beïnvloed dit

verskeie partye. Nie net word die skuldeisers van die maatskappy

daardeur geraak nie, maar ook die werknemers, beleggers en

verskaffers van die maatskappy.3 Dit kan selfs negatiewe sosio-

ekonomiese gevolge ten opsigte van die gemeenskap waarbinne

dit funksioneer, veroorsaak. Navorsing op die gebied van besig-

heids

redding is derhalwe relevant en aktueel.

1.2 Onderwerp van die studie

Maatskappye wat in finansiële nood verkeer moes in die verlede

ingevolge die Maatskappywet 61 van 1973 by die hof aansoek

doen om ’n geregtelike bestuursbevel. Die doel van sodanige

bevel was aanvanklik die rehabilitasie van die maatskappy in

finansiële nood, maar die prosedure het egter in verskeie opsigte

te kort geskied.

Die nuwe Maatskappywet 71 van 2008 wat op 1 Mei 2011 in

werking getree het, vervang die vorige model van geregtelike

bestuur4 met die van ’n ondernemingsreddingskema.

Beide modelle het ten doel om maatskappye wat onder finansiële

druk verkeer die geleentheid te bied om likwidasieverrigtinge te

vermy en weereens suksesvolle ondernemings te word.

1 Henning 1992:91.

2 Statistiek Suid-Afrika 24 Januarie 2011.

3 Loubser 2007:445.

4 Besigheidsreddingsmodel soos vervat in die Maatskappywet 61

van 1973.