Preliminary notes - outeursinligting

• Date: 01 June 2020
• Published date: 01 June 2020

Outeursinligting

Die Stellenbosse Regstydskrif verskyn drie maal per jaar en bevat bydraes in sowel Engels

as Afrikaans. Potensiële bydraers word versoek om aan die stylvoorskrifte te voldoen. Hierdie

stylvoorskrifte is beskikbaar op die internet by http://blogs.sun.ac.za/law/les/2011/08/Stell-

LR-Editorial-Policy-and-Style-Guide-2011.pdf.

Die volgende bydraes sal onderhewig wees aan keuring en sal kwaliseer vir ’n subsidie

van die Departement van Hoër Onderwys en Opleiding. ’n Engelse opsomming van

hoogstens 300 woorde moet sodanige bydraes vergesel:

1 vollengte artikels wat normaalweg 6 000 – 12 000 woorde beslaan, voetnote ingesluit;

2 resensie-artikels wat normaalweg 6 000 – 12 000 woorde beslaan, voetnote ingesluit (’n

resensie-artikel is ’n diepgaande bespreking van ’n onderwerp of ’n reeks onderwerpe

wat verband hou met ’n onlangs-gepubliseerde boek of boeke);

3 aantekeninge wat normaalweg 4 000 – 6 000 woorde beslaan, voetnote ingesluit (’n

aantekening moet krities van aard wees en nie bloot beskrywend nie);

4 vonnisbesprekings wat normaalweg 4 000 – 6 000 woorde beslaan, voetnote ingesluit

(’n vonnisbespreking moet die kritiese gevolge en implikasies van beslissings uitlig en

moet nie bloot beskrywend wees nie).

Die volgende bydraes sal oorweeg word vir publikasie, maar is nie onderhewig aan keuring

nie en kwaliseer nie vir ’n subsidie van die Departement van Hoër Onderwys en Opleiding nie:

5 korrespondensie aan die redakteur van hoogstens ongeveer 2 000 woorde, voetnote ingesluit;

6 boekresensies van maksimum ongeveer 2 000 woorde, voetnote ingesluit;

7 nuusartikels en aankondigings van hoogstens ongeveer 2 000 woorde, voetnote ingesluit;

8 openbare lesings van tot 12 000 woorde.

Alle bydraes moet vervat wees in ’n lêer wat geskep is met ’n onlangse weergawe van

Microsoft Word en moet via e-pos gestuur word na die adres stelllr@sun.ac.za. Indien

nodig, mag dit vereis word dat ‘n harde kopie van die bydraes na die volgende adres gestuur

word: Die Redakteur, Stellenbosse Regstydskrif, Fakulteit Regsgeleerdheid, Privaatsak X1,

Matieland, 7602.

Slegs bydraes wat aan die stylvereistes voldoen, word oorweeg vir publikasie. Waar twyfel

bestaan oor die toepassing van die stylvereistes moet die betrokke teks geel geligstreep word.

Outeurs moet asseblief die volgende kontrolelys gebruik voor die bydrae ingedien word:

•die hoofopskrif bevat die titel, die outeur se naam, kwalikasies, en institusionele afliasie;

•alle opskrifte is opeenvolgend genommer sonder outomatiese numering; opskrifte is nie

onderstreep nie; paragrawe is geskei deur inkeping aan die begin van elke nuwe para-

graaf, en nie deur ‘n spasie nie;

•voetnote is deur middel van outomatiese numering opeenvolgend genommer; voetnote

is nie geskei deur ’n oop reël nie; voetnote verskyn aan die einde van elke bladsy van die

bydrae en nie heel aan die einde van die bydrae nie;

•die akkuraatheid van aanhalings is gekontroleer en verwysings voldoen aan die

stylvoorskrifte.

Alle bydraes voorgelê vir publikasie word normaalweg deur ten minste twee keurders

gekeur. Die identiteit van die outeur en die keurders word vertroulik gehou.

Bladgelde kan gehef word. Daar sal met individuele outeurs hieroor in verbinding getree word.

Die tarief is R65,00 per bladsy met ’n minimum van R650,00 vir volledige en resensie-artikels en

R450,00 vir aantekeninge en vonnisbesprekings. Hierdie bedrae is onderhewig aan verandering.

Outeurs wat hul posadres aan die redakteur verskaf, sal kopieë van hul bydraes ontvang,

sowel as ’n kopie of kopieë van die relevante uitgawe(s) van die tydskrif.