Praktiese wenke met die opstel en verlyding van testamente en die kondonering van vormgebrekkige dokumente

• Author: P.J. Rabie,J.T. Faber
• DOI: 10.10520/EJC51197
• Published date: 01 January 2006
• Date: 01 January 2006
• Pages: 72-84

JT Faber & PJ Rabie

Praktiese wenke met die opstel en

verlyding van testamente en die

kondonering van vormgebrekkige

dokumente

Opsomming

In dié artikel word daar gekyk na die praktiese toepassing van artikels 2(1) en 2(3)

van die

Wet op Testamente

7 van 1953 (soos gewysig) wat betref die opstel en

verlyding van testamente en die kondonering van vormgebrekkige dokumente.

Practical guidelines for the execution of wills and the

condonation of defective documents.

In this article the practical application of sections 2(1) and 2(3) of the

Wills Act

7 of

1953 (as amended) with regard to the execution of wills and the condonation of

defective documents is considered.

1. Inleiding

Weens ekstensiewe onlangse regsontwikkeling het dit vir akademici, sowel

as regspraktisyns uiters moeilik geword om tred te hou met veranderende

bepalings sowel as teenstrydige interpretasies van die erfreg.

In hierdie skrywe sal daar gepoog word om die posisie in verband met

die opstel en verlyding sowel as die kondonasie van ’n vormgebrekkige

dokument prakties weer te gee. Dit moet egter in gedagte gehou word dat

hierdie skrywe nie voorgee om ’n allesomvattende handleiding by die

opstel van testamente te wees nie.

Die volgende aspekte sal vervolgens in oënskou geneem word: Die

definisie, opstel en verlyding van testamente en die kondonering van vorm-

gebrekkige dokumente.

James Thomas Faber, Departement Handelsreg, Universiteit van die Vrystaat.

Pierre Jacques Rabie, Departement Privaatreg, Universiteit van die Vrystaat.