M Rauff (Pty) Ltd v Pietersburg Coal Agency

• Judge: Hiemstra R
• Judgment Date: 05 December 1973
• Citation: 1974 (1) SA 811 (T)
• Hearing Date: 20 November 1973
• Court: Transvaal Provincial Division

Hiemstra, R.:

In hierdie geval is op 15 Mei 1973 vonnis gegee teen die Pietersburg Coal Agency in die bedrag van R4 694,62 B met rente daarop teen 6 persent van 5 April 1973 af. 'n Lasbrief tot uitwinning van die verweerder se bate is uitgereik maar die adjunk-balju kan dit nie beteken nie. Dit blyk dat die firma opgehou het om te bestaan nadat vonnis gegee is en niemand kon gevind word wat betekening wou aanvaar nie. Nou C word aansoek gedoen dat Jacob Pieter Wilson verklaar word die alleeneienaar te gewees het van die Pietersburg Coal Agency op 15 Mei, die dag toe vonnis gegee is, en dat verlof gegee word om die persoonlike bate van mnr. Wilson uit te win.

Daar is geen uitdruklike mag in die Reëls om so 'n bevel te gee nie. Reël 14 (7) en (8) kom die naaste daaraan. Dit lui:

"(7)

As 'n vennootskap gedagvaar word en dit blyk dat dit D sedert die betrokke datum ontbind is, gaan die verrigtinge nogtans voort teen die persone wat deur die eiser beweer of deur die vennootskap vermeld word vennote te wees, asof hulle afsonderlik gedagvaar is.

(8)

Die voorgaande subreël geld mutatis mutandis waar dit blyk dat 'n firma opgehou het om te bestaan."

Dit het egter betrekking op die eienaar van 'n firma of 'n vennoot wie se naam vooraf verkry is, deur middel van die E voorskrifte van subreël (5). Vir gevalle waar dié prosedure nie voor vonnis gevolg is nie, is daar geen voorsiening nie.

Ten einde aan sy eie vonnisse uitvoering te kan gee behoort die Hof, na behoorlike kennisgewing aan die betrokke persoon, 'n verklaring te kan maak dat hy eienaar van 'n firma was of lid F van 'n vennootskap was ten tye...