Labuschagne v Northmead Investments Ltd

• Jurisdiction: South Africa
• Judge: Ludorf R
• Judgment Date: 23 May 1966
• Citation: 1966 (4) SA 120 (W)
• Hearing Date: 16 May 1966
• Court: Witwatersrand Local Division

Ludorf, R.:

In Desember 1965 het die eiser 'n dagvaardiging teen die verweerder uitgereik en daarin is die besonderhede van die vordering as volg uiteengesit:

Ludorf R

'1.

Op 4 Januarie 1965 het eiser en verweerder 'n deels mondelinge en deels skriftelike kontrak gesluit waarkragtens, onder andere -

(a)

Verweerder eiser in diens geneem het as direkteurs-assistent teen 'n salaris van R600 per maand vanaf 1 Februarie 1965, welke salaris aan die einde van elke kalendermaand betaalbaar sou wees;

(b)

Verweerder daartoe verplig sou wees om aan eiser ses maande kennis te gee en 'n kontantbetaling te maak van 'n bedrag A gelykstaande aan een jaar se salaris indien verweerder die genoemde kontrak sou beëindig.

2.

Verweerder het kragtens genoemde kontrak dienste verrig vanaf 1 Februarie 1965 tot 15 Desember 1965.

3.

Verweerder het nagelaat om eiser se salaris te betaal vir Oktober en November 1965, welke salarisse op 31 Oktober 1965 en 30 November 1965, betaalbaar was.

4.

B Verweerder se nalate voormeld is 'n kontrakbreuk van 'n materiële term van die genoemde kontrak wat eiser op kansellasie daarvan geregtig maak.

5.

As gevolg van verweerder se voormelde kontrakbreuk het eiser op 15 Desember 1965 die genoemde kontrak gekanselleer.

6. (a)

As gevolg van verweerder se voormelde kontrakbreuk het eiser skade gelei ten bedrae van R10,800.

(b)

Verweerder is 'n bedrag van R1,500 aan eiser verskuldig ten C opsigte van salaris vir die tydperk 1 Oktober 1965 tot 15 Desember 1965.

Weshalwe eis die eiser:

(a)

Betaling van die bedrag van R10,800 ten opsigte van skadevergoeding.

(b)

Betaling van die bedrag van R1,500 ten opsigte van salaris.

(c)

Rente a tempore morae.

(d)

Gedingskoste.

(e)

Alternatiewe regshulp.'

D Hierop het verweerder nadere besonderhede van eiser se vordering versoek. Die besonderhede is gegee en tesame daarmee het die eiser 'n kennisgewing van wysiging op die verweerder beteken. Indien die wysigings aangebring word sal die besonderhede van eiser se vordering as volg lees:

'1.

Op 4 Januarie 1965 het eiser en verweerder 'n deels mondelingse en deels skriftelike kontrak gesluit waarkragtens, onder andere -

(a)

E Verweerder eiser in diens geneem het as direkteurs-assistent teen 'n salaris van R600 per maand vanaf 1 Februarie 1965, welke salaris aan die einde van elke kalendermaand betaalbaar sou wees;

(b)

Verweerder daartoe verplig sou wees om aan eiser ses maande kennis te gee en 'n kontantbetaling gelykstaande aan een jaar se salaris indien die genoemde indiensneming beëindig word vir enige rede buite die beheer van eiser.

...