Comment: Die nuwe statutêre misdaad van deelname aan 'n kriminele bende

• Jurisdiction: South Africa
• Author: CR Snyman
• Pages: 213-222
• Published date: 24 May 2019
• Date: 24 May 2019

Comments • Aantekeninge



213

Die nuwe statutêre misdaad van

deelname aan 'n kriminele bende

CR SNYMAN

Universiteit van Suid-Afrika

1 Inleiding

Die Wet op die Voorkoming van Georganiseerde Misdaad 121 van 1998 ('die

wet') skep 'n hele aantal baie belangrike misdade wat daarop gemik is om

georganiseerde misdaad, geldwassery en kriminele bende-aktiwiteite te

bekamp. Die doel van die bespreking wat volg is nie om die hele wet onder

die loep te neem nie, maar om slegs een van die misdade wat in die wet

geskep word, te wete deelname aan 'n kriminele bende, te bespreek. So 'n

bespreking vereis 'n nadere ondersoek van die bepalings van hoofstuk 4 van

die wet, dit wil se as 9 tot 11. Die wet het op 21 Januarie 1999 in werking

getree (Proklamasie R6,

Staatskoerant

19697, 21 Januarie 1999).

Voordat die bepalings in die wet wat oor deelname aan kriminele

aktiwiteite handel, bespreek word, word die aandag net eers kortliks

gevestig op enkele ander bepalings in die wet.

Die wet is voorsien van 'n indrukwekkende aanhef wat uit nie minder nie

as elf paragrawe (oftewel 'Nademaals') bestaan. Kortliks kom dit daarop neer

dat daar nasionaal en internasionaal 'n snel groei van georganiseerde

misdaad, geldwassery en kriminele bende-aktiwiteite is; dat hierdie

verskynsels 'n gevaar vir die openbare orde en veiligheid is; dat die Suid-

Afrikaanse gemenereg en statutêre reg nie daarin slaag om hierdie aktiwiteite

doeltreffend te bekamp nie; dat hierdie aktiwiteite inbreuk maak op

menseregte wat in die Grondwet van die Republiek van Suid-Afrika 108

van 1996 beskerm word; dat die staat die plig het om hierdie regte en

(1999) 12 SACJ 213

© Juta and Company (Pty) Ltd