Book Review: The law of children and young persons

• Jurisdiction: South Africa
• Citation: (1998) 9 Stell LR 374
• Published date: 27 May 2019
• Date: 27 May 2019
• Pages: 374
• Author: Sonia Human

374



STELL LR 1998 3

BOEKBESPREKINGS/BOOK REVIEWS

THE LAW OF CHILDREN AND YOUNG PERSONS

—

deur JA ROBINSON (red) Butterworths Durban Johannesburg

Kaapstad 1997 385 bl. Prys R165,30

Die publikasie kan veral om drie redes verwelkom word. In die eerste

plek is Spiro

Law of Parent and Child,

as toonaangewende werk oor

kinders, in sekere opsigte verouderd. Tweedens is daar die afgelope tyd

betekenisvolle inisiatiewe deur die wetgewer wat dit noodsaak om aandag

te skenk aan die impak van nuwe of beoogde wetgewing oor kinders.

Derdens is daar 'n behoefte om in een publikasie die reg ten opsigte van

kinders in die breë uiteen te sit.

Die redakteur is baie beskeie en stel dit in die voorwoord dat die werk

daarop gemik is om as eerste verwysingsbron vir studente en praktisyns te

dien. Daar word aan hierdie oogmerk en nog veel meer voldoen.

Hoofstuk ses wat oor kinderhowe handel en hoofstuk tien wat die

grondwetlike posisie ten opsigte van kinders uiteensit, is voorbeelde van

bydraes wat besonder omvattend en ryk aan inhoud is. Die hoofstukke

wat handel oor kinders en die strafreg, kinders in die inheemse reg en die

status van kinders in die internasionale privaatreg, bring mee dat daar

blootstelling aan die regsposisie van kinders oor 'n wye front is.

Die boek is tegnies goed versorg en dit is duidelik wat die inhoud en

omvang van elke outeur se bydrae is. Daar is 'n baie geringe mate van

oorvleueling ten opsigte van sekere dele van die inhoud—dit is

onvermydelik gegewe die aard van die publikasie.

Die waarde van die werk le daarin dat dit die reg vanuit die kind se

perspektief bespreek. Dit is 'n publikasie soos hierdie wat stelselmatig die

tradisionele regspersepsies oor kinders as ondergeskikte rolspelers begin

verander. In die opsig verteenwoordig

The Law of Children and Young

Persons

reeds 'n deurbraak in die Suid-Afrikaanse regsliteratuur. Die

redakteur en elkeen van die outeurs verdien dank vir hul bydraes wat

ongetwyfeld insigte en perspektiewe ten opsigte van die kind en die reg sal

verbreed.

Sonia Human

Senior Lektrise, Universiteit van Stellenbosch

(1998) 9 Stell LR 374

© Juta and Company (Pty) Ltd