Book Review: Inleiding tot die familiereg/Introduction to family law

• Jurisdiction: South Africa
• Pages: 373
• Citation: (1998) 9 Stell LR 373
• Author: Sonia Human
• Published date: 27 May 2019
• Date: 27 May 2019

BOEKBESPREKINGS/BOOK REVIEWS

INLEIDING TOT DIE FAMILIEREG/INTRODUCTION TO FAMILY

LAW—deur

PJ VISSER en JM POTGIETER. Tweede uitgawe.

Juta & Kie Bpk Kaapstad 1998 230/229 bl. Prys R135,00

Die tweede uitgawe van hierdie studentehandboek bou voort op die

sukses wat reeds met die eerste uitgawe behaal is.

Daar het sedert die inwerkingtreding van die Grondwet van die

Republiek van Suid-Afrika 108 van 1996 'n behoefte bestaan om studente

in familiereg reeds in hul eerste jaar van die effek van die Handves van

Regte, soos vervat in die Grondwet, bewus te maak. Hoofstuk een

voldoen aan hierdie behoefte en studente ontvang 'n stewige kennis

making met die familiereg en die werking van fundamentele regte.

Aspekte soos homoseksuele en lesbiese verhoudings en aborsie geniet

aandag en die toepassing van fundamentele regte word op 'n basiese en

sinvolle wyse verduidelik. Sekere fundamentele regte word selfs volledig

aangehaal Die omvang van familiereg as studieveld word verder

geïllustreer deur die bespreking van die huwelik en regspluralisme.

Die inhoudsopgawe, vonnisregister en lys van wetgewing is volledig en

gebruikersvriendelik. Voetnotas bied 'n verdere bron van inligting met

verwysings na ander bronne soos handboeke en tydskrifartikels. Daar

word ryklik van kruisverwysings in die teks gebruik gemaak en die

duidelike opskrifte en taalgebruik bring alles mee dat die publikasie

besonder toeganklik vir studente is. Waar nodig, word van tabelle gebruik

gemaak as 'n vorm van opsomming en ook van grafiese voorstellings om

byvoorbeeld die verskillende huweliksbedelings te illustreer.

Die handboek getuig van outeurs wat duidelik van hul teikengroep se

behoeftes en vermoëns bewus is en is 'n waardevolle toevoeging tot die

literatuur oor die familiereg. Die publikasie is weliswaar gerig op studente

wat hul eerste blootstelling aan die familiereg ontvang maar enigeen wat

met familiereg te doen het kan met groot vrug die werk raadpleeg om hul

basiese kennis oor die vakgebied op te knap.

Sonia Human

Senior Lektrise, Universiteit van Stellenbosch

373

(1998) 9 Stell LR 373

© Juta and Company (Pty) Ltd