Sackstein en Venter NNO v Greyling

• Jurisdiction: South Africa
• Judge: Van Coller R
• Judgment Date: 29 January 1987
• Citation: 1990 (2) SA 323 (O)
• Hearing Date: 04 December 1986
• Court: Orange Free State Provincial Division

Van Coller R:

A Die verweerderes in die onderhawige aksie het eksepsie aangeteken teen die eisers se hoof sowel as eerste alternatiewe vorderings op grond daarvan dat dit nie skuldoorsake openbaar nie.

Volgens die besonderhede van vordering is die eisers die kurators in die insolvente boedel van Abraham Carl Stefanus Greyling, na wie as die insolvent verwys sal word. Dit word beweer dat verweerderes op 31 B Desember 1973 buite gemeenskap van goed getroud is met die insolvent. Hierdie huwelik is op 4 April 1985 ontbind en 'n geskrewe skikkingsooreenkoms, gedateer 13 Maart 1985, is terselfdertyd 'n bevel van die Hof gemaak. Ingevolge die skikkingsakte wat by die pleitstukke aangeheg is, onderneem die insolvent om die bates vermeld in para 4(a) tot (f) van die akte, aan verweerderes oor te dra. Die finale C sekwestrasiebevel is op 23 Mei 1985 gemaak.

Die verdere tersaaklike bewerings in die besonderhede van vordering is vervat in paras 9 tot 14 daarvan en lui soos volg:

'Hoofeis

9.

D Die oordrag deur die insolvent aan die verweerderes van die bates vermeld in para 4(a) tot (f) van die geskrewe ooreenkoms "in volle en finale vereffening van alle eise wat sy moontlik teen" die insolvent of sy boedel mog hê, was 'n "vervreemding" deur die insolvent van sy bates (soos daardie uitdrukking gebruik word in die Insolvensiewet 24 van 1936, soos gewysig ("die Wet")) waarvan die gevolg was dat een van sy skuldeisers (te wete die E verweerderes) bo sy ander skuldeisers voorkeur verleen is.

10.

Onmiddellik na die gemelde vervreemding het die skulde van die insolvent die waarde van sy bates te bowe gegaan.

11.

In die vooropset, eis die eisers dat die vervreemding deur die insolvent van sy bates vermeld in para 4(a) tot (f) van die F geskrewe ooreenkoms vernietig word ooreenkomstig art 29 van die Wet, en dat die verweerderes beveel word om die betrokke bates aan die eisers in hulle voormelde hoedanighede terug te lewer, alternatiewelik om die netto waarde daarvan, synde R253 300, aan die eisers terug te betaal.

G Eerste alternatiewe eis

12.

Die oordrag deur die insolvent aan die verweerderes van die bates vermeld in para 4(a) tot (f) van die geskrewe ooreenkoms was 'n vervreemding van sy bates op 'n tydstip toe sy skuld sy bates oorskry het, en is gedoen met die bedoeling om aan een van sy H skuldeisers (te wete die verweerderes) bo die ander voorkeur te verleen.

13.

Die gemelde vervreemding...