S v Webber

• Jurisdiction: South Africa
• Judge: Rumpff AR, Rabie AR en Muller AR
• Judgment Date: 25 May 1971
• Citation: 1971 (3) SA 754 (A)
• Hearing Date: 13 May 1971
• Court: Appellate Division

C Rumpff, A.R.:

Die appellant is met twee ander, William Rhode en Cyril Jacobs, aangekla van moord in die Kaapse Provinsiale Afdeling. Appellant is skuldig bevind aan moord met versagtende omstandighede en gevonnis tot tien jaar gevanenisstraf. Rhode en Jacobs wat respektiewelik tweede en derde beskuldigde was, is onskuldig bevind. Die beslissing van die Verhoorhof was 'n D meerderheidsbeslissing en verlof tot appèl is deur die Hof a quo toegestaan.

Die omstandighede waaronder die moord plaasgevind het, sal blyk uit 'n kort weergawe van wat die getuies by die verhoor vertel het. Die belangrikste getuie vir die Staat - en ook die enigste getuie wat die aanranding op die oorledene sou gesien het - was 'n Freddie Swarts. Hy het aan die Verhoorhof E beskryf hoe hy en sy broer Michael, die oorledene, in die vroeë ure van 'n Sondagoggend op pad huistoe was van 'n partyjie en in Matroosfontein gestap het met 'n straat genaamd Mountainweg. Dit blyk uit die getuienis dat daar straatligte is wat die omgewing redelik goed verlig. Net aan die noordelike F kant van die straat is huise. Aan die ander kant is oop grond met gras en bossies. Die twee broers het op 'n groepie mans afgekom wat in die straat gestaan en sing het. Toe hulle skuins oorkant hierdie groepie kom, het Cyril Jacobs, een van die mans in die groep, agter om Freddie gestap na Michael, hom aan die gordel gevat en met klaarblyklike verwysing na Freddie, aan een G of meer van die ander mans gesê: "Skud sommer daardie jong ook." Hierby het hy bedoel dat Freddie se sakke leeggemaak moes word. Op daardie moment het Freddie die appellant voor hom sien staan, en hy beskryf wat gebeur het soos volg:

"... hy lyk toe baie gevaarlik en ek vra vir hom: 'maar hoekom lyk jy dan so kwaai?', want ek ken die persoon nou al baie lankal. Hy het niks gesê nie en ek sien hy gaan met sy H regterhand hier na sy agtersak, toe sê ek: 'Hennie, jy gaan weer vir jou mes' sê ek toe vir hom, maar hy sê toe niks. Met die sien ek hy kom uit met die mes en toe hy halfpad opkom, toe is ek seker van 'panic' of dit en ek slaan hom en ek slaan hom in die gesig. Toe ek hom nou slaan toe steier hy agteruit toe dink ek ek moet hom sommer nou weer slaan want hy gaan my sekerlik kry hierso want ek het niks op my nie. Toe ek nou vorentoe gaan toe spring beskuldigde nr. 2 in; hy was aan my linkerkant en hy steek toe na my met 'n mes en ek spring.

Het jy gesien hy het 'n mes? - Ja. Beskuldige nr. 2 steek toe na my toe en ek spring uit die pad uit en met die kom beskuldigde nr. 1 weer vorentoe en toe ja hulle twee my met die mes."

Rumpff AR

Freddie het agteruit beweeg in die bossies waar James Jacobs, broer van Cyril Jacobs, hom van agter genader het en met 'n sambok begin slaan het. In die proses het Freddie gesien dat sy broer Michael begin hardloop en dat appellant hom agterna sit. A Freddie het Cyril verwilder - laasgenoemde het blykbaar nie veel moed aan die dag gelê nie - en 'n vrou het James Jacobs weggevat. Freddie het gesien dat appellant Michael inhaal en hom met 'n kaphou steek net op die oomblik toe hy regs draai om om 'n bossie te hardloop. Freddie het gedink dat sy broer in B die rug of arm gesteek was, maar hy het sy broer nie sien val nie. Appellant het omgedraai en op Freddie afgestorm wat toe na die straat gehardloop het. Hy is agtervolg deur appellant en Rhode, maar deur sy sakdoek uit te haal en te maak asof hy iets in die sakdoek hou, het Freddie sy agtervolgers op 'n afstand gehou. Intussen het hulle op hom gevloek en appellant het gesê:

"Ja, Freddie, jy kan maar vanaand hardloop maar voor die week om is maak ek vir jou klaar."

C Daarna het Cyril Jacobs met 'n paar honde verskyn en Freddie het besluit om huis toe te hardloop. Hy het oor die draad van 'n buurman gespring en onder die heining van hul huis gaan lê terwyl sy agtervolgers verby hom geloop het. Toe dit veilig was, het hy die huis binnegegaan en toe hy sien dat sy broer D nie in die huis is nie het hy teurggegaan en hom gaan soek. Hy het hom gevind dood in die bossies lê nie baie ver van waar hy gesien het dat appellant die oorledene 'n kaphou gegee het nie. Hy is daarna terug huistoe om sy ouers van die gebeure te vertel waarna hy sy vader en sy suster na die lyk geneem het en hy en sy suster die saak by die Polisie gaan aangee het.

E [Die Edelagbare Regter het die getuienis verder behandel en soos volg voortgegaan.]

Appellant het in sy getuienis onder eed ontken dat hy die persoon was wat...