S v Collins

• Jurisdiction: South Africa
• Judge: Botha AR
• Judgment Date: 29 March 1990
• Citation: 1990 (1) SACR 577 (A)
• Hearing Date: 13 March 1990
• Counsel: A Williams namens die appellant J J du Toit namens die Staat
• Court: Appellate Division

Botha AR:

Die appellant het in die landdroshof van Johannesburg tereggestaan op 'n aanklag dat hy art 2(a) van die Wet op die Misbruik B van Afhanklikheidsvormende Stowwe en Rehabilitasiesentrums 41 van 1971 oortree het, deurdat hy een Mandrax tablet verkoop het aan ene Meshack Ndlela. Hy het skuldig gepleit en is skuldig bevind. Die landdros het hom 'n vonnis opgelê van vier jaar gevangenisstraf, waarvan hy twee jaar gevangenisstraf opgeskort het vir vyf jaar op sekere voorwaardes. Teen hierdie vonnis het die appellant geappelleer na die Witwatersrandse C Plaaslike Afdeling, wat sy appèl van die hand gewys het en hom verlof geweier het om 'n verdere appèl na hierdie Hof te voer. Daarna het die appellant 'n versoekskrif gerig aan die Hoofregter, ten gevolge waarvan aan hom verlof toegestaan is om teen sy vonnis na hierdie Hof in hoër beroep te kom.

Die appellant is 'n 37-jarige man wat geen vorige veroordelings van enige aard het nie. Sy persoonlike omstandighede en die omstandighede D waaronder die oortreding gepleeg is, blyk uit die volgende uittreksel uit die oorkonde, met betrekking tot die getuienis wat die appellant ter strafversagting afgelê het:

'Ek is 37-jaar oud - ongetroud. Ek het 'n 13-jarige dogter. Sy woon by haar ma. Ek betaal R20 per week onderhoud. Ek smous met vrugte en lekkers by Noordgesig skoolterrein. Verdien R90-R100 per week. Ek woon in dieselfde huis as my ouers. My ouers kry pensioen. Ek help om E kos te koop. Ek voel nie lekker oor die misdaad wat ek gepleeg het nie. Ek gebruik self dagga en Mandrax.

Ek het net een pil by my gehad. As ek nie gesê was om dit te verkoop sou ek dit nie verkoop het, maar ek sou dit vat. Dit was verkoop gedurende polisieoptrede.

V.

Vir hoeveel het u die pil verkoop?

A.

F R4.

V.

Hoeveel het u daarvoor betaal?

A.

R4.

V.

U het nie geweet dit was 'n polisielokval nie?

A.

Nee.

V.

Hoekom het u die pil verkoop?

A.

G Die persoon aan wie ek die pil verkoop het is bekend aan my. Hy het my gevra om 'n pil aan hom te verkoop.

V.

Hoe het hy geweet u sal hom kan help?

A.

Ons werk saam - hy het geweet ek sal hê.

Geen verdere vrae deur hof.'

Die duidelike beeld wat hieruit na vore tree is dié van die andersins H wetsgehoorsame man wat egter dagga en Mandrax vir sy eie gebruik aanwend, en wat op hierdie besondere geleentheid 'n Mandrax tablet wat hy by hom gehad het, verskaf het aan iemand wat aan hom bekend...