R v Grove

• Jurisdiction: South Africa
• Judge: Centlivres CJ, Hoexter JA, De Beer JA, Reynolds JA and Hall JA
• Judgment Date: 16 March 1956
• Citation: 1956 (2) SA 254 (A)
• Hearing Date: 02 March 1956
• Court: Appellate Division

Hoexter, J.A.:

In Suidwes-Afrika het die Administrateur die mag om geslote streke vir vee vas te stel. In 1935 het hy, luidens C Goerwermentskennisgewing 37 van 1935, daardie mag as volg uitgeoefen: -

'Vasstelling van geslote streke vir vee.

Dit het die Administrateur behaag om kragtens die magte hom verleen by art. 2 van die Veesiektewet Wysigingsordannansie 1928 (Ord. 5 van 1928) te verklaar dat die streek beskrywe in die Bylae van hierdie kennisgewing 'n streek is, waarin of waaruit dit nie wettig sal wees nie om vee te laat inkom of te verwyder, behalwe op gesag van 'n permit uitgereik deur die hoofveearts.

Goewermentskennisgewing 178 van 1930 word hierby herroep.

D Bylae.

Die streek bevattende (1) daardie gedeelte van die Distrik Omaruru geleë westelik van die Polisiesone-grens, soos beskrywe in die Eerste Bylae van Prok. 26 van 1928, en (2) daardie gedeelte van die Distrik Outjo geleë westelik en noordelik van die Polisiesone-grens, soos beskrywe in die Eerste Bylae van Prok. 26 van 1928.'

E Die Polisiesone waarna verwys word het alreeds bestaan gedurende die Duitse bewind. Dit blyk uit die bewoording van art. 2 (1) van Prok. 15 van 1919. Die aanhef van daardie Proklamasie lees as volg:

'Whereas it is desirable to make provision for the regulation of movement and residence of persons in certain portions of the Protectorate';

en art. 2 lees as volg: -

'2. No person, other than an official of F the Administration shall, save under permit issued by or under authority of the Secretary of the Protectorate, reside or be -

(1) in the area beyond the line defining the 'Polizei-Zone' marked on the map of the Protectorate of South West Africa of the 1st October, 1911, running eastwards . . .'

(hier volg dan die beskrywing van die bedoelde grens).

G Prok. 15 van 1919 is herroep deur Prok. 26 van 1928, en art. 3 van laasgenoemde Proklamasie omskrywe as volg die streek waarin geen persoon...