Minister van Landbou v Sonnendecker

• Jurisdiction: South Africa
• Judge: Rumpff HR, Rabie AR, Kotzé AR, Diemont AR en Viljoen Wn AR
• Judgment Date: 05 March 1979
• Citation: 1979 (2) SA 944 (A)
• Hearing Date: 21 November 1978
• Court: Appellate Division

Rumpff HR:

Die respondent in hierdie saak het in die Transvaalse Provinsiale Afdeling aansoek gedoen dat 'n sekere gedeelte 14 van die plaas Welgekozen 514, IT Transvaal, groot 1 morg, aan hom getransporteer word op grond van verjaring. Kennisgewing van hierdie aansoek is aan die Sekretaris van Binnelandse Inkomste, die Sekretaris van Finansies en die Registrateur van Aktes gegee. Hierdie instansies het geen F beswaar teen die aansoek gehad nie. Wel het op die toneel gekom, soos die ryk veeboer van die profeet Natan wat die ooilammetjie van die arm man gevat het, die Sekretaris van Landboukrediet en Grondbesit, wat hierdie een morg opgeëis het omdat, soos hy beweer het, die eienaar die grond G prysgegee het, dit bona vacantia geword het, en eiendom van die Staat geword het. Hy was dus die respondent en het ook aangevoer dat, weens die bepalings van art 3 van die Wet op die Beskikking van Staatgrond 48 van 1961, die genoemde een morg, weens die verstryking van 10 jaar, vanaf die inwerkingtreding van die Wet, dws vanaf 29 Julie 1971, nie deur verjaring verkry kon word nie.

H Die Hof a quo het bevind dat die respondent nie op verjaring aanspraak kon maak nie omdat hy, terwyl hy die grond besit en bewerk het, navraag gedoen het oor waar die eienaar was, sodat hy die grond kon koop en dat hy daardeur erken het dat iemand anders 'n beter reg as hy gehad het. Die Hof a quo het ook bevind dat dit nie bewys is dat die grond bona vacantia geword het nie en het gevolglik geen bevel uitgereik nie en het gelas dat elke party sy eie koste moet betaal.

Die Sekretaris van Landboukrediet en Grondbesit wil teen elke prys die "ooilam" vat en verskyn nou as appellant. Die oorspronklike

Rumpff HR

applikant, die "arm" man, verskyn nie voor ons nie en het klaarblyklik 'n vaste geloof dat geregtigheid in...