Frankfort Gholfklub v Die Drankraad

• Jurisdiction: South Africa
• Judgment Date: 15 August 1980
• Citation: 1981 (1) SA 351 (O)

Frankfort Gholfklub v Die Drankraad
1981 (1) SA 351 (O)

1981 (1) SA p351

Citation	1981 (1) SA 351 (O)
Court	Oranje-Vrystaatse Provinsiale Afdeling
Judge	Smuts R en Flemming R
Heard	August 11, 1980
Judgment	August 15, 1980

Flynote : Sleutelwoorde

*Sterkdrank — Lisensies — Klubdranklisensie — Aansoek om — Wet 87 van 1977 — Art 27 (1) (b) (iii) — Voldoening aan die bepalings daarvan — Wat daarop neerkom.

Headnote : Kopnota

Die Wetgewer verlang in art 27 (1) (b) (iii) van die Drankwet 87 van 1977 dat voorsiening gemaak moet word in die betrokke reglement van die klub dat aan niemand anders as lede van die klub akkommodasie verskaf mag word teen betaling nie. Deur slegs gaste van lede te verbied om te betaal vir akkommodasie word geen voorsiening gemaak vir 'n verbod teen betaling vir akkommodasie deur persone wat nie gaste van lede is nie. Sodoende is nie voldoen aan die vereistes deur art 27 (1) (b) (iii) van die Wet gestel nie.

Flynote : Sleutelwoorde

*Intoxicating liquor — Licences — Club liquor licence — Application for — Act 87 of 1977 — Section 27 (1) (b) (iii) — Compliance with the provisions of — What constitutes.

Headnote : Kopnota

The Legislature in s 27 (1) (b) (iii) of the Liquor Act 87 of 1977 requires provision to be made in the relevant club rules for accommodation for payment to be provided to nobody other than members of the club. By merely forbidding members' guests to pay for accommodation no provision is made for a prohibition against payment for accommodation by persons who are not guests of the members. That does not comply with the requirement laid down by s 27 (1) (b) (iii) of the Act.

Case Information

Appèl teen 'n beslissing van die Drankraad. Die feite blyk uit die uitspraak.

S P B Hancke namens die appellant. E

D J Lombard namens die respondent.

Cur adv vult.

Postea (Augustus 15). F

Judgment

Smuts R:

Tydens die sitting van die Drankraad te Bloemfontein op 11 Maart 1980 het appellant aansoek gedoen om 'n klubdranklisensie. Die aansoek is geopponeer deur die lisensiehouers van twee hotelle te Frankfort. Een van G die besware deur hulle geopper was dat die aansoek nie voldoen het nie aan die bepalings van art 27 (1) (b) (iii) van Wet 87 van 1977. Die betrokke artikel lui soos volg:

"'n Klubdranklisensie word nie verleen nie tensy die bevoegde gesag oortuig is -

(a)

dat die klub 'n bona fide- klub is;

(b)

dat, volgens 'n eksemplaar van die reglement van die klub wat deur die president,

...