Ex parte Prokureur-Generaal, Transvaal

• Jurisdiction: South Africa
• Citation: 1980 (3) SA 516 (T)

Ex parte Prokureur-Generaal, Transvaal
1980 (3) SA 516 (T)

1980 (3) SA p516

Citation	1980 (3) SA 516 (T)
Court	Transvaalse Provinsiale Afdeling
Judge	van Reenen R, Esselen R en Preiss R
Heard	July 30, 1979
Judgment	July 30, 1979

Flynote : Sleutelwoorde

A *Strafproses — Inhegtenisneming — Prosedure na inhegtenisneming — Nie verpligtend dat aanklag deur middel van 'n klagstaat aan beskuldigde ingevolge art 50 (1) van Wet 51 van 1977 gestel moet word by sy eerste verskyning voor 'n laerhof nie — Beskuldigde is geregtig om in die algemeen te weet waarom hy aangehou word.

Headnote : Kopnota

Dit is nie verpligtend dat 'n aanklag deur middel van 'n klagstaat aan 'n beskuldigde, wat ingevolge die bepalings van art 50 (1) van die Strafproseswet 51 van 1977 voor 'n laerhof gebring word, gestel moet word by die eerste verskyning van die beskuldigde voor so 'n hof nie en die verdere aanhouding van so 'n beskuldigde vir doeleindes van verhoor op 'n aanklag van enige misdryf kan deur die laerhof gelas word sonder dat die aanklag deur middel van 'n klagstaat aan die beskuldigde gestel word.

Maar dit kan nie genoeg beklemtoon word dat 'n beskuldigde geregtig is om te weet, al is dit net in die algemeen, waarom hy aangehou word.

Flynote : Sleutelwoorde

*Criminal procedure — Arrest — Procedure after arrest — Not mandatory that charge be put to an accused by way of a charge-sheet in terms of s 50 (1) of Act 51 of 1977 at his first appearance before a lower court — Accused is entitled to know in general why he is being detained.

Headnote : Kopnota

It is not mandatory that a charge by way of a charge-sheet be put to an accused, who in terms of the provisions of s 50 (1) of the Criminal Procedure Act 51 of 1977 has been brought before a lower court, at his first appearance before such court and the further detention of an accused for the purposes of trial on a charge of any offence can be ordered by the lower court without the charge being put to the accused by way of a charge-sheet.

But it cannot be sufficiently emphasized that an accused is entitled to know, albeit only in general, why he is being detained. D

Case Information

Aansoek om 'n verklarende bevel. Die feite blyk uit die uitspraak.

J C H Jansen SC (bygestaan deur J Prinsloo) namens die applikant.

R D Claassen as amicus curiae.

Judgment

E Van Reenen, R.:

Die Prokureur-generaal vir die Transvaal doen hiermee dringend aansoek om 'n verklarende bevel. Die rede en die aard van sy aansoek word deur hom as volg gestel:

3.

Volgens 'n beslissing van hierdie agbare Hof per sy Edele Waarnemende Regter SPOELSTRA en sy Edele Regter MOLL in die saak van S v Simango1979 (3) SA 189 (T) en spesifiek te 191A - E is dit gebiedend dat 'n F aanklag gestel moet word aan 'n beskuldigde by sy eerste verskyning in die laerhof ingevolge die bepalings van art 50 (1) van die Strafproseswet 51 van 1977.

Ek doen met respek aan die hand dat 'n redelike vertolking van hierdie uitspraak is dat 'n volledige klagstaat aan 'n beskuldigde gestel moet word by sodanige eerste verskyning.

4.

G Ek stem met respek nie saam met die vertolking wat die geleerde Regters aan die betrokke artikel gee nie, en doen met respek aan

1980 (3) SA p517

Van Reenen R

die hand dat die beslissing nie in ooreenstemming met die bedoeling van die Wetgewer is nie.

5.

Indien my vertolking van die bepalings van art 50 (1) van die A...