Disability discrimination in insurance

• Jurisdiction: South Africa
• Author: Birgit Kuschke
• DOI: 10.10520/EJC-1070a1a253
• Published date: 01 July 2018
• Date: 01 July 2018
• Record Number: dejure_v51_n1_a5
• Pages: 50-64
• Published By: University of Pretoria

50

Disability discrimination in insurance

Birgit Kuschke

BLC LLD

Associate Professor, University of Pretoria

OPSOMMING

Gestremdheidsdiskriminasie in versekering

Diskriminasie in die finansiële sektore soos versekering word nie alledaags

onder die loep geneem nie. Die een industrie waarin daar daagliks teen

persone gediskrimineer word, is versekering. Versekeringsmaatskappye

groepeer versekerdes in verskillende risikogroepe volgens hulle risiko-

profiele. Die omvang van risiko word meestal volgens die groep se

algemene of gemiddelde kenmerke bereken. Versekerdes wat nie

noodwendigerwys dieselfde risiko as ander lede van die groep inhou nie,

word hierdeur benadeel deurdat hulle hoër premies betaal of verminderde

dekking of voordele geniet. Die optrede deur die versekeraar stel prys-,

transaksie- en statistiese diskriminasie daar. Dikwels oorvleuel die gronde

vir ’n bepaalde groepering met verbode gronde van diskriminasie soos

onder andere in die Grondwet uiteengesit. Faktore wat die meeste ter

sprake kom, is gestremdheid, ouderdom, en geslag. Die ongeregverdigde

diskriminasie affekteer die versekerde se regte op gelykheid en

waardigheid.

Vanweë die ontelbare vorme en grade van gestremdheid, is dit uiteraard

vir versekeraars moeilik om voldoende inligting in te win en om volgens

elke aansoeker se unieke persoonlike omstandighede ’n billike toedeling te

maak. Aan die ander kant, moet alle versekerdes ook dieselfde behandel

word, en uitsonderings kan verswarend op ander lede van die groep

inwerk. Hierdie probleem regverdig egter geensins onbillike diskriminasie

nie.

Die probleem lê daarin dat daar onsekerhei d heers oor wat wel

geregverdigde diskriminasie of differensiasie daarstel. Versekering speel ’n

belangrike rol in ons samelewing, en verswarende verpligtinge om

dekking, premies en bedinge van geval tot geval aan te pas kan die

versekeringsbedryf se winsgewendheid bedreig. Ander lande probeer die

probleem deur teikengerigte versekeringswetgewing bestuur. Dit is egter

nie die geval in Suid-Afrika nie, en kan ’n beroep op die wetgewer gedoen

word om oorweging daaraan te skenk om ’n groter mate van regsekerheid

in die voorgestelde nuwe versekeringswetgewing te skep, deur gevalle wat

as direkte onbillike diskriminasie geag word, te identifiseer. Die voorstel is

dat voorskrifte in ondergeskikte wetgewing soos Polishouerbeskermings-

reëls ingebou word, ten einde vinniger aanpassings en wysigings wat met

mediese en tegnologiese vordering wat gestremde persone se

risikoprofiele verbeter, tred hou.

How to cite: Kuschke ‘Disability discrimination in insurance’ 2018 De Jure 50-64

http://dx.doi.org/10.17159/2225-7160/2018/v51n1a4