Die strafregtelike spanningsveldtussen die kind se reg op vryepsigoseksuele ontplooiing enbehoefte- en magsmisbruik: is dieduitse reg navolgenswaardig?

• Jurisdiction: South Africa
• Author: JMT Labuschagne
• Citation: (2000) 11 Stell LR 284
• Pages: 284-294
• Date: 30 May 2019
• Published date: 30 May 2019

Die strafregtelike spanningsveldtussen die kind se reg op

vryepsigoseksuele ontplooiing enbehoefte- en

magsmisbruik: is dieduitse reg navolgenswaardig? *

2000 Stell LR 284

JMT Labuschagne

MA DRPhil LLD

Professor in Regspluralisme en Regshermeneutiek en Lid van die Sentrum vir

Kinderreg, Universiteit van Pretoria

1. Inleiding

Seksuele kontak tussen volwassenes en kinders is so oud soos die geskiedenis van

die mens self. 1 Jungjohann 2 wys daarop dat inligting daarop dui dat seuns

ongeveer 2 500 jaar gelede in Athene vir seksuele doeleiades uitgehuur is. Van die

vroegste tye af is seuns en meisies, uit oorwegings van ’n seksuele aard, besny of

chirurgies aangepas. 3 De Mause 4 verklaar treffend:

“The history of childhood is a nightmare from which we have recently begun to awaken.

The further back in history one goes, the lower the level of child care, and the more

likely children are to be killed, abandoned, beaten, terrorized, and sexually abused.” 5

Religieuse beskouinge is ook, in seksuele konteks, teen kinders misbruik. So verwys

Suer 6 na ’n metode waarvan in die Middeleeue

* Dank word hiermee uitgespreek teenoor die Alexander von Humboldt-Stiftung en die Universiteit van

Pretoria wat my finansieel in staat gestel het om ’n deel van hierdie navorsing in 1999 te kon onderneem

aan die Ludwig-Maximilians-Universität in München, Duitsland. Die Universiteit van Pretoria bet ook ’n

inligtings- en orienteringsbesoek aan Rusland en Tseggië moontlik gemaak. Aangesien groot getalle

kinders en jeugdiges uit die sogenaamde Oosbloklande in Wes-Europa geprostitueer en andersinds

seksueel misbruik word, was dié besoek uiters insiggewend.’n Verdere deel van dié navorsing is met die

finansiële steun van die SWO plaaslik onderneem. Die menings in hierdie artikel uitgespreek, word nie

noodwendig deur genoemde instellings gedeel nie.

2000 Stell LR 285

gebruik gemaak is om seksuele misbruik van kinders te omseil, naamlik om die

slagoffer (die kind) van heksery te beskuldig en seksuele verkeer met haar/hom as

heksery te beskryf. Uit betroubare bronne blyk dit dat selfs kinders van drie tot vier

jaar oud op grond hiervan gefolter en verbrand is.

Volgens skattings is een uit elke ses tot een uit elke 20 kinders slagoffers van

seksuele misbruik in die VSA. Volgens beraming is tussen 11% tot 62% van

volwasse vroue en 3% tot 16% van volwasse mans in Duitsland gedurende hulle

kinderjare seksueel misbruik. Uit die omvangrykste studie wat nog in Duitsland

onderneem is, blyk dit dat 6,9% van kinders onder die ouderdom van veertien jaar

1 Bange Sexuelle Gewalt gegen Jungen hat es immer gegeben. Ein Streifzug durch die Geschichte in

Bange & Enders (reds) Auch Indianer kennen Schmerz. Handhuch gegen Sexuelle Gewalt an Jungen

(1995) 11; Bange & Deegener Sexueller Minßbrauch an Kinder (1996) 11–17.

2Das Dilemma des Mißhandelten Kindes (1996) 97.

3 Jungjohann Das Dilemma 98; Labuschagne & De Villiers “Circumcision and Female Genital Mutilation: a

Human Rights and Anthropo-legal Evaluation” 1998 SAPL 277.

4The History of Childhood (1974) 1.

5 Sien ook Arnold Kindheit im eurpäischen Mittelalter in Martin & Nitschke (reds) Zur Sozialgeschichteder

Kindheit (1986) 443.

6Sexuelle Gewalt gegen Kinder (1998) 35. Dit is insiggewend om daarop te let dat verskeie skrywers van

mening is dat die beskuldiging van ’n ander dat hy/sy towery beoefen, dit wil sê die mees verwerplike

status wat iemand in ’n spesifieke gemeenskap tradisioneel beklee het, hedendaags vervang word met ’n

beskuldiging dat hy/sy ’n kinderskender is, dit wil sê teenswoordig die mees verwerplike status wat ’n

persoon kan beklee — sien Brion “The Hidden Persistence of Witchcraft” 1993 Law and Critique 227;

Candill “Social Hysteria and Social Psychoanalysis: A Response to Brion’s ‘The Hidden Persistence of

Witchcraft’ ” 1994 Law and Critique 31; Labuschagne “Geloof in Towery, die Regsbewussyndraende

Persoonlikheid en die Voorrasionele Onderbou van die Regsorde: ’n Regsantropologiese Evaluasie” 1998

Suid-Afrikaanse Tydskrif vir Etnologie 78 80.

(2000) 11 Stell LR 284

© Juta and Company (Pty) Ltd