Ake ujule uzihlole ngomphefumulo nomoya okusemzimbeni wakho

• Published date: 13 June 2023
• Publication title: Isolezwe

Lokhu kungumbuzo onzima ngoba kukhona konke ukuhlupheka kwami ngikhomba mina okungumzimba, umzimba onegama nesibongo, nabazali nomlando. Kuthi noma ngiphuma ngiya enkonzweni ngiyokhonza ngiqhube lo mzimba, kanjalo ngiphume ngiye kugobela ngiyobheka izinto zami ngitshelwa engitshelwa khona ngoba kuhlupheke umzimba engiwuqhubayo, noma sekwelashwa kwelashwe wona umzimba

Unamanxeba lo mzimba, izilonda, izishawo nokulimala. Empeleni, konke okwenzekayo kwenzeka kuwona. Ngikhale ngemali, ngibalise ngenhlupheko, ngithi izingane zami azenzeleki lutho, konke kumnyama kukhona konke ukukhala kwami. Kungukukhala okwenzeka emzimbeni oqanjwe igama nesibongo kodwa okujike kungangifikeli ndawo.

Umzimba ugadwe wenganyelwa amasiko nesintu sawo okufanele afezekile, kanjalo nokufanele ukuba imikhuba yethu eyisintu nesiko kwenzekile, sikwenze kodwa ekugcineni kube nhlanga zimuka nomoya. Kukhona lapho laba abazibiza ngokuba nenhlanhla (abaphumelele), nawe uma usuphumelele, ukhohlwe ukuthi ubani lona ophumelele.

Ngabe umzimba okunguwena kodwa ongaqondi ukuthi ufumbetheni, kanti ekugcineni uyohamba kuwona umhlaba...